الروز بالدجاج الي كانحماق عليه

مكونات و طريقة تحضير الروز بالدجاج

غنحتاجو الدجاج على حساب عدد الاشخاص الدجاج ومحكوك بالحامض والخل والسكنجبير ومغسول و مقطع ومستقطر

2 بصلات مقطعين على هاد الشكل

3 الفلفلات كبار مقطعين ومن الاحسن يكونو منوعين وفالالوان انا مكانتش عندي الفلفلة الصفرا

والتوابل غنحتاجو السكنجبير _ البزار _ الخرقوم البلدي _ الملح _ واحد الضامة الزعفران _ والى كان الزعفران حر متوفر يكون حسن _ 2 وراق سيدنا موسى _ 4 او 5 الحبات من قاع قلة ومن القرنفل _2 عواد القرفة _ المعدنوس والثومة مدقوقين

ودابا ندوز للطريقة كنخلطو التوابل كلها ونزيد عليها كاس مبين الزيت البلدية والرومية وكاس الماء

نديرو الدجاج فالشرمولة

ومن الاحسن نخليوه شي ساعتين يترقد ويشرب

من بعد كنقليه

ونزيد عليه البصلة

ومن بعد الفلفلة

كيتشحر كولشي ونمرق منكثرش الماء ونديرو على عافية مهيلة حتى يطيب هاهو فالصورة

مين كيطيب الدجاج كنزولو من الكوكوط ونخليه على جنب

ونعاود نمرق الكوكوط تقريبا انا عبرت بالكاس ديال مولينكس

كنسخنو الدجاج ونقدموه مع الروز بهاد الطريقة

كنتمنى يعجبكم الطبق وجربوه راه كيجي روعة فالمذاق ومتنساونيش من الدعوات ديالكم

و بالصحة و الراحة.